වෙළඳ පරිමාව අනුව ලොව දෙවන විශාලතම ක්රිප්ටෝ හුවමාරුව වන Bybit, සිය 2025 ආරක්ෂක වැඩපිළිවෙළෙහි සවිස්තරාත්මක වාර්තාවක් අද ප්රකාශයට පත් කළේය. Bybit විසින් ක්ෂේත්රයේ ප්රමුඛතම, අදියර කිහිපයකින් යුත් ආරක්ෂක පද්ධතියක් ක්රියාත්මක කර ඇති අතර, එය පරිශීලකයින් දහස් ගණනක් සාර්ථකව ආරක්ෂා කිරීමටත්, ඩිජිටල් වත්කම් ක්ෂේත්රයේ ආරක්ෂාව සම්බන්ධයෙන් නව ප්රමිතියක් පිහිටුවීමටත් සමත් වී ඇත. Chainalysis වාර්තා පෙන්වා දෙන පරිදි, 2025 වසරේදී පමණක් විවිධ මූල්ය වංචා සහ සොරකම් හේතුවෙන් සමස්ත ක්රිප්ටෝ වෙළෙඳපොළට අහිමි වී ඇති මුදල ඩොලර් බිලියන 17කි.
මුදල් ආපසු ගැනීමේදී සිදුවන වංචා වැළැක්වීමට Bybit හඳුන්වා දුන් අදියර තුනකින් යුතු ආරක්ෂක පද්ධතිය
වංචාවක් සිදුවී අවසානයේ ඊට ප්රතිචාර දක්වනවා වෙනුවට, මුදල් අහිමි වීමට පෙරම මැදිහත් වන Dynamic Risk-Based ආරක්ෂණ පද්ධතියක් Bybit විසින් මුලින්ම හඳුන්වා දී ඇත. මෙම පද්ධතිය මගින් සිදුවිය හැකි වංචනික අවස්ථා, අවදානම් මට්ටම් තුනකට බෙදා වෙන් කරයි. සාමාන්ය වෙළෙඳ කටයුතුවලට බාධාවක් නොවන පරිදි, පරිශීලකයින් මුදල් ආපසු ගැනීමේදී ඔවුන්ව ආරක්ෂා කිරීම සඳහා එක් එක් මට්ටමට ගැළපෙන පරිදි වෙනස් ආරක්ෂක පියවරයන් මෙහිදී ක්රියාත්මක වේ.
පළමු අදියර: පූර්ව අනතුරු ඇඟවීම (අඩු අවදානම්): නව ගිණුම් ලිපිනයකට එකවර විශාල වශයෙන් මුදල් ලබාගැනීම වැනි අසාමාන්ය රටාවන් හඳුනා ගැනීමට ‘Big-data’ තාක්ෂණය භාවිතා කරයි. මෙහිදී ස්වයංක්රීය සමීක්ෂණ ක්රියාත්මක කිරීම හරහා අනතුරුදායක ගිණුම් ලිපිනයන් කලින්ම හඳුනාගෙන ඒවා තහනම් කිරීමට ආරක්ෂක කණ්ඩායමට හැකි වේ.
දෙවන අදියර: ක්ෂණිකව අනතුරු ඇඟවීම (මධ්ය අවදානම්): බාහිර අන්තර්ජාල ජාලයන්ගෙන් නිකුත් වූ දත්ත හෝ සැක සහිත ලිපිනයන් සමඟ සම්බන්ධ ගිණුම් සඳහා මුදල් ලබාගැනීමේදී සජීවීව අනතුරු ඇඟවීම් නිකුත් කරයි. හදිසියක් හෝ මානසික පීඩනයක් ඇති කරමින් සිදුකරන වංචාවන්ගෙන් මිදීමට, තම ගනුදෙනුව නැවත පරීක්ෂා කරන ලෙස මෙහිදී පරිශීලකයාට දැනුම් දෙනු ලැබේ.
තෙවන අදියර: වහාම අත්හිටුවීම සහ සන්සුන් වීමේ කාලය (වැඩි අවදානම්): තහවුරු කරන ලද ආයෝජන වංචා (උදා: ‘Pig butchering’ වැනි වංචනික ක්රම) සමඟ සම්බන්ධ ගිණුම් ලිපිනයන් සඳහා මුදල් ලබාගැනීම Bybit විසින් වහාම අත්හිටුවනු ලැබේ. මෙහිදී පැයක අනිවාර්ය සන්සුන් වීමේ කාලයක් ලබා දෙන අතර, එමගින් කලබලයකින් තොරව ගනුදෙනුව නැවත පරීක්ෂා කර බලා නිවැරදි තීරණයක් ගැනීමට පරිශීලකයාට අවස්ථාව ලැබේ.”
2025 ප්රතිඵල සහ ප්රධාන දර්ශක: සංඛ්යාලේඛන ඇසුරින්
2025 වසරේ අවසන් කාර්තුව (Q4) තුළ ක්රියාත්මක කළ මෙම ආරක්ෂක පියවරයන් මගින් පරිශීලකයින්ගේ ආරක්ෂාව සම්බන්ධයෙන් පෙර නොවූ විරූ ප්රතිඵල අත්කර දී ඇත:
- සිව්වන කාර්තුවේ වංචා වැළැක්වීම සහ මුදල් බේරාගැනීම: සැක සහිත ලෙස හඳුනාගත් ඩොලර් මිලියන 500 ක ගනුදෙනු අතරින් ඩොලර් මිලියන 300 ක් සාර්ථකව අත්හිටුවා බේරා ගැනීමට Bybit සමත් විය. එමගින් පරිශීලකයින් 4,000 කට අධික පිරිසකගේ ජීවිත කාලය පුරාම ඉතිරි කළ මුදල් ආරක්ෂා කිරීමට හැකි විය..
- සිව්වන කාර්තුවේ AI මගින් හඳුනාගැනීම්: Bybit සතු සුවිශේෂී AI ඇල්ගොරිතම මගින් බ්ලොක්චේන් දත්ත විශ්ලේෂණය කර, ඉතා ඉහළ අවදානමක් සහිත වංචනික ආයෝජන ලිපිනයන් 350ක් හඳුනාගෙන ඇත. එමගින් පරිශීලකයින් 8,000කට ආසන්න පිරිසක් තම මුදල් ආපසු ගැනීමේදී සිදුවීමට ගිය මූල්ය අලාභයන්ගෙන් ආරක්ෂා කිරීමට සමත් විය.
- 2025 යටිතල පහසුකම්වල ශක්තිමත්භාවය: හැකර්වරුන් විසින් ගිණුම්වල පාලනය අත්පත් කර ගැනීමට ගත් උත්සාහයන් මිලියන 3 කට වඩා ව්යර්ථ කිරීමට Bybit පද්ධතිය සමත් විය.
- සිව්වන කාර්තුවේ සජීවී නිරීක්ෂණ: පද්ධතිය විසින් සැක සහිත ගිණුම් ලිපිනයන් 350ක් ස්වයංක්රීයව හඳුනාගත් අතර, පාරිභෝගික සහාය පද්ධතිය හරහා තවත් ලිපිනයන් 600ක් හඳුනාගෙන ලකුණු කරන ලදී. එමගින් සිදුවීමට ගිය ඩොලර් මිලියනයක ක්ෂණික වංචනික අලාභයක් වළක්වා ගැනීමට හැකි විය.
සාමූහික ආරක්ෂක පද්ධතිය: කර්මාන්තය සහ රජය අතර සහයෝගීතාවය
ආරක්ෂාව යනු හුදෙක් තරඟකාරී වාසියක් නොව, සැමගේම සාමූහික වගකීමක් බව Bybit විශ්වාස කරයි. අපගේ 2025 උපායමාර්ගය ප්රධාන වශයෙන් ‘බාහිර බුද්ධි තොරතුරු ඒකාබද්ධ කිරීම’ කෙරෙහි අවධානය යොමු කළේය.
“2025 වසරේ අපගේ මෙහෙවර වූයේ අවදානම් පාලන පද්ධතිය ‘නිහඬ පලිහක’ සිට ‘සජීවී බුද්ධිමත් ආරක්ෂකයෙකු’ දක්වා පරිවර්තනය කිරීමයි. TRM, Elliptic සහ Chainalysis වැනි ක්ෂේත්රයේ ප්රමුඛතම හවුල්කරුවන්ගෙන් ලැබෙන තොරතුරු සමඟ අපගේ AI තාක්ෂණය ඒකාබද්ධ කිරීමෙන් Bybit පරිශීලකයින් ආරක්ෂා කරනවා පමණක් නොව, වංචනික ජාලයන්ගේ ක්රියාකාරීත්වය (DNA) හඳුනා ගැනීමටද අපට හැකි වී තිබේ. ආරක්ෂිත ක්ෂේත්රයක් සැමටම යහපත් බැවින්, මෙම තොරතුරු අප අනෙකුත් ආයතන සමඟද බෙදා ගන්නෙමු.” Bybit හි සමූහ අවදානම් පාලන ප්රධානී ඩේවිඩ් සොං මහතා පවසා සිටියේය.