වමේ සිට දකුණට: HAC හි අධ්‍යක්ෂ / ප්‍රධාන විධායක නිලධාරී ආකිෆ් මහතා, CNCI හි හිටපු සභාපති කෙවින් එඩ්වඩ්ස් මහතා, CNCI හි සභාපති ප්‍රදීප් කහවලගේ මහතා, සහ HAC හි තත්ත්ව ප්‍රධානී නෆාස් මහතා.
2024 හි ලැබූ රිදී සම්මානයේ සිට 2025 සහ 2026 වසරවලදී රන් සම්මාන සහ විශිෂ්ටතමයාට හිමි සම්මාන දිනාගනිමින්, HAC අඛණ්ඩව වසර තුනක් ජාතික මට්ටමේ ඇගයීමට ලක්වෙයි.
ලංකා ජාතික කර්මාන්ත මණ්ඩලය (CNCI) සහ කර්මාන්ත හා ව්‍යවසායකත්ව සංවර්ධන අමාත්‍යාංශය එක්ව සංවිධානය කරන ලද 25 වන CNCI Achiever Awards 2026 කාර්මික විශිෂ්ටතා සම්මාන උළෙලේදී, හලාල් කවුන්සිලය (HAC) නැවත වතාවක් රන් සම්මානයෙන් සහ විශිෂ්ටතමයාට හිමි සම්මානයෙන් පිදුම් ලැබීය.
වමේ සිට දකුණට: CNCI හි හිටපු සභාපති රුවන් එදිරිසිංහ මහතා, CNCI හි අභ්‍යන්තර විනිශ්චය මණ්ඩලයේ සාමාජික රවි රූපසිංහ මහතා සහ ශ්‍රී ලංකා නැනෝ තාක්ෂණ ආයතනයේ ප්‍රධාන විධායක නිලධාරී ඉල්මි හේවජූලිගේ මහත්මිය.
මෙම නවතම ජයග්‍රහණයත් සමඟ, 2024 වසරේදී රිදී සම්මානයෙන් ඇගයීමට ලක්වූ HAC, 2025 සහ 2026 වසරවලදී අඛණ්ඩව දෙවන වරටත් මෙම සම්මාන ද්විත්වයම හිමිකර ගැනීම හරහා ශ්‍රී ලංකාවේ සේවා අංශය තුළ තමන් සතු විශිෂ්ටත්වයේ ස්ථාවර ඉතිහාසය සහ නැවතත් සනාථ කර ඇත.
තම 25 වන සංවත්සරය සමරන CNCI Achiever Awards සම්මාන උළෙල මඟින්, ව්‍යාපාරික කාර්යසාධනය, නවෝත්පාදනය, ගුණාත්මකභාවය, ඵලදායිතාව සහ තිරසාර වර්ධනය යන අංශවලින් විශිෂ්ටත්වය පෙන්නුම් කරන ශ්‍රී ලාංකේය ව්‍යාපාර ඇගයීමට ලක්කෙරේ.
මෙම ජයග්‍රහණය පිළිබඳව අදහස් දක්වමින් HAC හි අධ්‍යක්ෂ සහ ප්‍රධාන විධායක නිලධාරී ආකිෆ් ඒ. වහාබ් මහතා මෙසේ පැවසීය.
“මෙම සම්මාන අපගේ ජයග්‍රහණ හුදෙක් ඇගයීමට ලක් කිරීමක් පමණක් නොවේ; ඒවා අපගේ කණ්ඩායමේ කැපවීම මෙන්ම, ශ්‍රී ලාංකික ව්‍යාපාර සහ පාරිභෝගිකයින් අප කෙරෙහි තබා ඇති විශ්වාසය ද මනාව පිළිබිඹු කරයි. විශ්වසනීය හලාල් සහතික කිරීම හරහා පාරිභෝගික විශ්වාසය ගොඩනැගීම පමණක් නොව, ශ්‍රී ලාංකික නිෂ්පාදනවලට දේශීය හා ජාත්‍යන්තර වෙළඳපොළ ජයග්‍රහණය කිරීමට සහ සාර්ථක වීමට අවශ්‍ය සහාය ලබා දීම ද අපගේ අරමුණයි.”
අඛණ්ඩව වසර තුනක් ජාතික මට්ටමින් ඇගයීමට ලක්වීම හරහා, විශ්වාසනීය හලාල් සහතිකකරණය මඟින් පාරිභෝගික විශ්වාසය ශක්තිමත් කිරීමටත්, දේශීය ව්‍යාපාර බලගන්වමින් ශ්‍රී ලාංකේය නිෂ්පාදන සඳහා දේශීය හා ගෝලීය වෙළෙඳපොළ තුළ නව අවස්ථා උදාකර දීමටත් HAC කටයුතු කරන බව තවදුරටත් තහවුරු වේ.