2025 වසරේ සමස්ත අයවැය හිඟය රු. බිලියන 744.86ක් බව ශ්රී ලංකා මහ බැංකුවේ නවතම දත්ත වාර්තා පෙන්වා දේ. 2024 වසරේ දී අයවැය හිඟය රු. බිලියන 2,039.93ක් ලෙසින් වාර්තා වී තිබුණි. ඒ අනුව සමස්ත අයවැය හිඟය පසුගිය වසරේ දී 63.48%ක කැපීපෙනෙන පහළ යාමක් අත්පත් කර ගැනීමට සමත්ව තිබේ.
මේ අතර ප්රාථමික ගිණුමේ ශේෂය 2025 වසර අවසානයේ දී රු. බිලියන 1,755.81ක් ලෙසින් වාර්තා වී ඇත. 2024 වසරේ දී රු. බිලියන 649.57ක ශේෂයක් ප්රාථමික ගිණුමෙන් වාර්තා වී තිබුණු අතර ඒ අනුව 170.30%ක වර්ධනයක් එහි සටහන්ව ඇත.
2025 වසරේ දී රජයේ සමස්ත ආදායම රු. බිලියන 5,485.55 ක් දක්වා 34%කින් ඉහළ ගොස් තිබුණු අතර එහිදී බදු ආදායම රු. බිලියන 4,030.84 සිට රු. බිලියන 5,449.40ක් දක්වා 35%ක සුවිශේෂී ලෙස ඉහළ ගොස් තිබේ.
මේ පිළිබඳ සංක්ෂිප්ත සටහනක් පහතින් දැක්වේ.
උපුටා ගැනීම : අද දෙරණ