විශ්වාසනීය ගුවන් සේවාවක් වන FitsAir හි අනුබද්ධිත සමාගමක් වන Fits Holidays යනු සංචාරක ක්ෂේත්‍රයේ නැඟී එන නාමයක් වන අතර, මෑතකදී එහි නවතම වෙබ් අඩවිය (www.fitsholidays.com) සාඩම්බරයෙන් දියත් කරන ලදී. මෙම වෙබ් අඩවිය සැලසුම් කර ඇත්තේ සංචාරකයන්ට බාධාවකින් තොරව, තම සිතැඟි පරිදි සිය සංචාරක සැලසුම් සඳහා අවශ්‍ය වෙන්කරවා ගැනීම් විධිමත්ව සිදුකර ගැනීමටයි. Fits Holidays විසින් ගුවන් ගමන් වල සිට හෝටල් වෙන්කර ගැනීම දක්වා, පුළුල් පරාසයක සංචාරක පැකේජ හඳුන්වාදෙන අතර පාරිභෝගික අවශ්‍යතා අනුව සකස් කළ පැකේජ ද නව වෙබ් අඩවිය හරහා පිරිනමන්නේ ලොව පුරා සිටින සංචාරකයන් සඳහා වඩාත් ගුණාත්මක සේවාවක් ලබාදෙමිනි.
පුළුල් පරාසයක විහිදෙන සංචාරක පැකේජ සමඟින්, පාරිභෝගිකයන්ට වෙබ් අඩවිය හරහා මිල අඩු පැකේජ වල සිට සුඛෝපභෝගී පැකේජ දක්වා සිය තෝරා ගැනීම් සිදු කළ හැකිය. එමෙන්ම තම අවශ්‍යතාවයන්ට අනුකූලව පැකේජ සැලසුම් කළ හැකි නිසාවෙන් කුඩා සංචාරයන් මෙන්ම විදේශ සංචාරයන් ද ඉතා පහසුවෙන් සංවිධානය කර ගැනීමට පාරිභෝගිකයන්ට අවස්ථාව ලැබෙයි. මෙලෙස ක්ෂණික ඔන්ලයින් වෙන්කරවා ගැනීමකින් සහ ගෙවීම් කටයුතු සිදු කිරීමෙන් පාරිභෝගිකයන්ට ඉතා පහසුවෙන් සිය සුන්දර සංචාරක අත්දැකීමට පිවිසිය හැක.
Fits Holidays හි අධ්‍යක්ෂ අනා කාසීම් සිය අදහස් ප්‍රකාශ කළේ, “Fits Holidays හි අපි හුදෙක් සංචාරක සමාගමකට වඩා වැඩි යමක් අප පාරිභෝගිකයන්ට ලබා දෙමින්, ඔවුන්ට අමතක නොවන සංචාරක අත්දැකීමක් ලබා දීමට කැපවීමෙන් කටයුතු කරනවා. අපගේ දැක්ම වන්නේ සෑම සංචාරයක්ම සුවිශේෂී හා අද්විතීය අත්දැකීමක් වන සුන්දර ගමනාන්තයක් ලබාදීමයි. මෙය යථාර්තයක් කිරීම උදෙසා අප, ඔබ කොතැනක සිටියත්,ඔබගේ ඇඟිලි තුඩක දුරින්, ලෝකය ගවේෂණය කිරීමට අවස්ථාව සලසා දෙමින් සරල සංචාරක සැලසුම් සමඟින් මෙම නවතම වෙබ් අඩවිය හඳුන්වා දීම සිදු කරනවා.”
පරිශීලක හිතකාමී මෙම වෙබ් අඩවිය සංචාරක සැලසුම් වෙන්කරවා ගැනීම පහසු කරන අතර විධිමත් මුහුණත සමඟින්, පාරිභෝගිකයන්ට තමන්ට උචිත පැකේජය පහසුවෙන් සොයා ගත හැකි අතර කෙටි වේලාවකින් වෙන්කරවා ගැනීමේ කටයුතු සම්පූර්ණ කළ හැකිය. මෙලෙස Fits Holidays විසින් සංචාරක සැලසුම් සිදු කිරීම පහසු කිරීම නිසාවෙන් සංචාරකයන්ට සිය නිවාඩුව නිවසේ සිට හෝ ගමනාරම්භයේදී වුවද ගැටලුවකින් තොරව සැලසුම් කළ හැක.
Fits Holidays සතු කැපවීම සහ නවමු සංචාරක අත්දැකීම් ලබාදීමට ඇති දැක්මත් නිසාවෙන්, මෙම නව්‍ය ප්‍රවේශය සංචාරකයින්ට විශ්වාසයෙන් යුතුව ලෝකය ගවේෂණය කිරීමට අවස්ථාව ලබා දෙන අතර ඔවුන්ගේ සංචාර සැලසුම් සිදු කිරීමේදී ඉතා පහසුවක් ලබා දෙයි. සෑම සංචාරයක්ම අමතක නොවන සහ තෘප්තිමත් බව සහතික කරමින්, පාරිභෝගික අවශ්‍යතා වලට ගැලපෙන පරිදි අද්විතීය සංචාරක අත්දැකීම් සැලසීමට හැකිවීම පිළිබඳ Fits Holidays නිහතමානීව ආඩම්බරයට පත්වෙයි.
ඔබේ මීළඟ සංචාරය ආරම්භ කිරීමට සූදානම්ද? අදම www.fitsholidays.com වෙත පිවිස ඔබගේ සංචාරක සිහින යථාර්ථයක් බවට පත් කරන්නේ කෙසේදැයි විමසා බලන්න.