Hayleys Fentons ආයතනය විසින් පසුගියදා සිය පළමු අත්දැකීම් මධ්‍යස්ථානය නුගේගොඩ, නාවල පාරේ අංක 233B දරණ ස්ථානයේදී විවෘත කළ බව සාඩම්බරයෙන් නිවේදනය කර සිටියි.වසර 100 කට අධික ඉංජිනේරු විශිෂ්ටත්වය ඔස්සේ Hayleys Fentons ආයතනය විසින් ප්‍රධාන අංශ 12ක් හරහා සපයන නවීනතම සේවා විසඳුම් සඳහා ප්‍රායෝගික අත්දැකීමක් පාරිභෝගික ප්‍රජාවට අත්විඳීමට මෙම අත්දැකීම් මධ්‍යස්ථානය තුළින් අවස්ථාව ලබා දී තිබීම මෙහි ඇති සුවිශේෂීත්වයයි.
සූර්ය බලශක්ති විසඳුම් (Solar Power) ප්‍රධාන කොට ගනිමින් තොරතුරු තාක්ෂණය (ICT), ආරක්‍ෂාව සහ සන්නිවේදනය (Security and Communication), ශ්‍රව්‍ය දෘශ්‍ය ඒකාබද්ධ කිරීම (Audio Visual Integration(AVI)), විදුලි සහ ආලෝකකරණය(Electrical and Lighting), ගිනි ආරක්‍ෂණ විසඳුම් (Fire Safety Solutions), වායු සමීකරණ සහ වාතාශ්‍ර පහසුකම් සැපයීම (Air Conditioning and Ventilation), ජල නළ හා ගෑස් (Plumbing and Gas), පහසුකම් කළමනාකරණය (Facilities Management) , අඛණ්ඩ බල සැපයුම සහ බැටරි උපස්ථ(Uninterrupted Power Supply and Battery Backups), වාස්තු විද්‍යාත්මක නිර්මාණය සහ දෘශ්‍යකරණය (Architectural Drawings and 3D Visualisation) සහ කාර්මික උපාංග සැපයීම (Industrial Accessories Trading) යන Hayleys Fentons ආයතනය විසින් සපයන සිය උසස් තාක්ෂණයන්ගෙන් සමන්විත සේවාවන් එකිනෙක සහසම්බන්ධ වන ලෙසට එකම අත්දැකීම් මධ්‍යස්ථානයක් තුළදී පෙළගස්වා ඇත්තේ එහි මූලික අන්තර්ගතයේ සිටම ප්‍රායෝගික අත්දැකීමක් ඕනෑම අයෙකුට ලබා ගැනීමේ පහසුවද සහිතවයි.
මෙම නවතම අත්දැකීම් මධ්‍යස්ථානය විවෘත කරමින් එහි හඳුන්වාදීමේ උත්සවයේදී Hayleys Fentons හි කළමනාකාර අධ්‍යක්ෂක හසිත් ප්‍රේමතිලක මහතා අවධාරණය කළේ, “අපගේ පාරිභෝගිකයින් සතුව පවතින දිනෙන් දින නව්‍යකරණය වන සේවා අවශ්‍යතා සපුරාලීම සඳහා නව තාක්ෂණික මානයන් ඔස්සේ ඒකාබද්ධ වූ සේවා විසඳුම් සැපයීමට අපි එදා මෙන්ම අදත් මින් ඉදිරියටත් කැපවී සිටින බවයි. Hayleys Fentons හි මෙම නවතම අත්දැකීම් මධ්‍යස්ථානය සහයෝගීතාවය සහ නවෝත්පාදන වර්ධනය සඳහා කේන්ද්‍රස්ථානයක්ද වෙනවා. එසේම මෙම පළමු අත්දැකීම් මධ්‍යස්ථානය විවෘත කිරීම අප ආයතනයේ නවීන සේවා විසඳුම් සැපයීමෙහි එක් නැවතුමක් පමණයි. අපගේ ආයතන ගමන් මඟෙහි මෙම සුවිශේෂී සමාරම්භයේ ගමනාන්තය වන්නේ පාරිභෝගිකයින්ට ඔවුන්ගේ අවශ්‍යතාවන්ට ගැළපෙන පරිදි ලොව හොඳම වෙළඳනාම වලින් මෙවැනි උසස්ම සේවා විසඳුම් ඒකාබද්ධ කොට අත්විඳීමටත්, තව තවත් අලුත් අත්දැකීම් ලබා ගැනීමට ඉදිරියේදීත් අවස්ථාව සලසා දීමයි”
උසස් තාක්ෂණය ගවේෂණය කරමින් ප්‍රායෝගික අත්දැකීමක් ලබාගන්නා අතරේම තම අවශ්‍යතාවයට ගැළපෙන හොඳම සේවා විසඳුම් දැරිය හැකි මිලකට ලබා ගැනීමට අවශ්‍ය වන තාක්ෂණික සහ අනෙකුත් මඟ පෙන්වීම් කටයුතුද ලබා දීමට Hayleys Fentons හි කාර්ය මණ්ඩලය ඔබ වෙනුවෙන් මෙහිදී සූදානමින් පසුවෙයි.
පළමුවරට ලොව ඉහළම තාක්ෂණය සමඟින් ඉංජිනේරු සහ ඒකාබද්ධ සේවා විසඳුම් එකම වහලක් යට දී සියැසින්ම විඳගැනීමට Hayleys Fentons ආයතනය පාරිභෝගික ඔබ සැමට ආරාධනා කර සිටින අතර විශේෂයෙන්ම ඉදිරියේදී ව්‍යාපාර ආරම්භ කිරීමට සැලසුම් පමණක් අතැතිව සිටින ප්‍රජාව ඇතුළු සියලුම දෙනාට මෙම අත්දැකීම් මධ්‍යස්ථානය තම සිතේ රැඳුණු සිහින යථාර්ථයක් කර ගැනීමට අවශ්‍ය ඉඩකඩ සපයන ස්ථානයක්ද වෙනවා නොඅනුමානය .
වැඩි විස්තර සඳහා අදම 0112 102 102 යන අංකයෙන් Hayleys Fentons හා සම්බන්ධ වන්න. එසේ නොමැතිනම් අදම www.hayleysfentons.com යන වෙබ් අඩවිය වෙත පිවිසෙන්න.