හම්බන්තොට ඉදිකෙරෙන බැරල් 200,000ක ධාරිතාවයකින් යුත් අති නවීන තෙල් පිරිපහදුවක් සඳහා චීන ජාත්‍යන්තර ඛනිජ තෙල් සංස්ථාව ඩොලර් බිලියන 3.7ක ආයෝජනයක් සිදු කරන ගිවිසුමකට ශ්‍රී ලංකාව Sinopec සමඟ අත්සන් තබා ඇත.
පිරිපහදුවේ නිෂ්පාදනයෙන් සැලකිය යුතු කොටසක් අපනයනය සඳහා සැලසුම් කර ඇති අතර එමඟින් ජාතියේ විදේශ විනිමය ඉපැයීම් තවදුරටත් ඉහළ නංවන බව ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක මහතා පැවසීය.
“චීනයේ මෙම ප්‍රධාන ආයෝජනය හම්බන්තොට ප්‍රදේශයේ අඩු ආදායම්ලාභී ප්‍රජාවන්ගේ ජීවනෝපාය නඟාසිටුවමින් ශ්‍රී ලංකාවේ ආර්ථික වර්ධනයට රුකුලක් වනු ඇතැයි අපේක්ෂා කෙරේ.”
“එපමනක් නොව, මෙම ව්‍යාපෘතියේ ප්‍රතිලාභ නුදුරු අනාගතයේ දී සමස්ත ශ්‍රී ලාංකික ජනගහනයට ධනාත්මක ලෙස බලපානු ඇතැයි අපේක්ෂා කෙරේ.”